सम्पती व्यवस्थापनका आधारभुत पक्ष

Translated for better purpose
आय व्यवस्थापन गर्ने अधिकारी भनेको कम्पनीको आयलाई कहाँ कसरी लगानी वा परिचालन गर्ने भन्ने जिम्वेवारी पाएको व्यक्ति हो । कम्पनीको लागि आम्दानीका नयाँ स्रोतहरुको सृजना गर्ने वा आयको उचित व्यवस्थापन गर्न कसैलाई जिम्वेवारी नदिएसम्म तपाइको कम्पनीले क्षमता अनुसार आम्दानी गर्न सक्दैन । तर महत्वपूर्ण कुरा के हो भने तपाइको आफ्नो कम्पनीको आय तपाईले जति राम्रोसँग अरु कसैले व्यवस्थापन गर्न सक्दैन । प्रमुख आय व्यवस्थापक बन्नका लागि गर्नु पर्ने केही कुरा यस्ता छन् ः
बजारप्रवद्र्धन रणनीति ः
तपाईको मार्केटिङ्ग रणनीति के हो ? तपाइले यसै प्रश्नबाट काम शुरु गर्नुपर्ने हुन्छ । बजार प्रवद्र्धन र बित्र्रिm दुवै निकै फरक गतिविधिहरु हुन् । मार्केटिङ्ग भनेको तपाइले कसरी नयाँ ग्राहक बनाउनु हुन्छ भन्ने हो । आम्दानीको सृजना बिक्रिले गर्छ । तसर्थ बजारप्रवद्र्धनको वास्तवीक रणनीति बिना नयाँ बिक्रि सृजना गर्ने काम निकै कठिन बन्न पुग्छ । त्यसैले सर्वप्रथम आफ्नो हीतमा रहने गरी बजारप्रवद्र्धन रणनीति निर्माण गर्नुस् ।  तपाईको शिघ्र उन्नती तपाईसगै छ ।
बिक्रि व्यवस्थापन ः
तपाईले बित्र्रिm प्रकृयालाई कसरी व्यवस्थापन गर्नु भएको छ ? यदि नयाँ ग्राहक सृजना गर्ने कामका लागि तपाई एक्लै जिम्वेवार हुनुहुन्छ भने पनि तपाईका लागि बिक्रि प्रकृया र त्यसलाई व्यवस्थापन गर्ने निश्चित विधि आवश्यक पर्छ । सम्भाव्य ग्राहकले तपाई नै उसको लागि सबैभन्दा सही कम्पनी हो भन्ने कुनै आधार चाहिन्छ नै ।  तपाईको कम्पनी नै ग्राहकले किन छनौट गर्लान् ? सम्भाव्य ग्राहकलाई आकर्षित गर्ने वा उनिहरुको निर्णय प्रकृयालाई प्रभावित गर्ने कुराहरु तपाईसँग के छ ? यी प्रश्नहरुको उचित समाधानका लागि तपाईले केही शव्दजालहरु पनि सिक्नु पर्ने हुन्छ । बिक्रिको भाषा बित्र्रिm प्रकृयाकै एक हिस्सा हो । संसारका अरु गतिविधिहरुको जस्तै बिक्रिको पनि विशेष भाषा हुन्छ । त्यसैले बिक्रिको भाषा सिक्नुको अर्थ बिक्रि प्रकृयालाई व्यवस्थापनमा सहयोग पुग्नु हो ।
आम्दानी पहिचान ः
अम्दानी भनेको खुद मुनाफाको रुपमा प्राप्त भएको आर्थिक मुल्य मात्रै होइन । आम्दानीको अर्थ बजार गतिविधि, नयाँ ग्राहक, नयाँ सेवा तथा ग्राहकले तपाईको कम्पनीमा थप सेवा लिन थाल्नु पनि हो । अनुसन्धानहरुबाट कम्पनीको थप जति धेरै सेवा ग्राहकहरुले खरिद गर्दै जान्छन् उनिहरु कम्पनीसँग त्यत्तिकै बाँधिदै जान्छन् भन्ने देखिएको छ । यदि तपाइले वस्तुमात्रै बित्र्रिm गर्नु हुन्छ भने ग्राहकहरु तपाईलाई छोडेर सजिलै अन्यत्रै लाग्न सक्छन् । उनिहरुलाई कम्पनीसँगको भावनात्मक सम्बन्धमा बाँधेर राख्ने गतिलो सुत्र नै तपाईसँग हुँदैन । तर, यदि तपाई वस्तुमा थप अतिरिक्त मुल्य थपेर बेच्नु हुन्छ भने तपाईका ग्राहकलाई अर्काे कम्पनीले खोसेर लैजान निकै सजिलो हुँदैन । ग्राहकलाई सन्तुष्ट बनाई आफैसँग राखिराख्नु नै आय अधिकारीको महत्वपूर्ण काम हो ।
कम्पनी पहिचान ः
यदि तपाइको छुटै पहिचान छ भने ग्राहकहरुले सजिलै तपाईको कम्पनी उनिहरुका लागि उपयुक्त कम्पनी हो भनेर चिन्न सक्छन् । पहिचानको अर्थ उपयुक्त छ भनेर चिनिने अवस्था हो । मानौ तपाईसँग वार्षिक २० लाख आम्दानी गर्ने सम्पती व्यवस्थापन कम्पनी छ । तपाई त्यसलाई २० लाख भन्दा धेरै कमाउने बनाउन चाहनुहुन्छ भने तपाई आफ्नो कम्पनीलाई अरुले किन्न चाहनेखालको आकर्षक व्यवसायमा बदल्न तत्पर बन्नु हुन्छ । नयाँ सीप सिक्न र सल्लाहहरु लिनु तत्पर बन्नुहुन्छ । यसरी कम्पनीलाई व्यवसायको रुपमा सोच्न तपाई तयार हुदाँ तपाई एक सफल व्यवसायीले नियमितरुपले गर्ने क्रियाकलागहरु गर्न इच्छुक बन्नथाल्नु हुन्छ । ग्राहकका लागि मुल्यको सृजना गर्नमा तपाईको चासो प्राथमिक उत्प्रेरककोरुपमा उदाँउछ । र, तपाईले व्यवसायमा जीवनको आनन्द उठाउन र रमाइलोको अनुभव गर्न  थाल्नु हुन्छ ।
आफुले व्यवसाय गर्न चाहेका मानिसहरुको बारेमा सोच्नुस् । तपाई आफ्नो स्थानलाई जति साधुरो बनाउन सक्नु हुन्छ त्यत्तिनै तपाईसँग काम गर्न चाहने मानिसहरु पत्तालगाउन तपाईलाई सजिलो हुन्छ । आफ्नो कम्पनीको प्रमुख आय अधिकारी आफै बन्नु जति राम्रोकुरा केही हुँनै सक्तैन ।